Қазақтың көрнекті ақыны, Қазақстанның Еңбек Ері Мұхтар Шаханов соңғы аманатына сай Арыстанбаб кесенесі маңында жерленетін болды.
Бұл туралы ақынның жиен немересі Қайырхан Балғабеков хабарлады. Бұған дейін Алматыдағы Кеңсай зиратында жерленеді деген ақпарат тараған еді, алайда туыстарының өтініші мен ақынның көзі тірісінде айтқан тілегі ескерілді.
Ақынның жары Ханшайым Шаханова Президент Қасым-Жомарт Тоқаевқа хат жолдап, оның Отырар өңірінде жерленуді қалағанын жеткізген.
📍 Қоштасу рәсімі:
— 21 сәуір, 09:00
— Абай атындағы Қазақ ұлттық опера және балет театры
Ресми рәсімнен кейін ақынның денесі Түркістан облысына жеткізіліп, Отырар топырағында жер қойнына тапсырылады.
фото: kursiv.media
